今期速遞為大家帶來一則有關防撞欄的交通時事。一向開四驅車的朋友可能唔覺得裝上防撞欄的車輛有問題，反而認為防撞欄唔單止保護愛驅避免受輕微碰撞所損毀，仲好型仔添。不過政府懶得理你靚定型，話安全至上，所以就透過運輸署發表了一份諮詢文件，建議立例禁止所有在道路上行駛之車輛在車頭裝設有危險性之防撞欄。


政府指出當意外發生時，車輛上堅而硬的防撞欄會加重意外之嚴重性。由於使用裝設了防撞欄車輛的人士越來越多，危險會相對提高，立例無非係保障道路使用者的安全，減低意外發生時造成之傷亡。

建議一出，回響好大，尤其係一班熱愛四驅車的朋友。佢地反對政府的建議，仲係二月三日發起一次史無前例的大遊行。佢地聲稱政府不單未能為禁止防撞欄之存在提出可接受的準則，其次，此條例唔係同時適用於中港兩地，對於經常往返中港兩地工作的四驅車司機就無所適從。香港四驅車大聯盟代表馬大立先生仲表示係過去十五年，香港都冇因裝設防撞欄而導致不必要之意外。

兩方面都各有各道理。但係香港係個彈丸之地，人多車又多，人車每時每刻都爭路，交通意外而導致傷亡的機會自自然就好高 ，如果車輛上的防撞欄果真有存在之危險性，而立例可以減低此情況，係藉得支持的。雖然冇實際數據証明防撞欄之危險度，但係安全第一，防範於未然的措施對任何之道路使用者都有百利無一害，否則到問題出現時先解決，可能為時已晚。

而家條法例尚未正式成立，現正咨詢緊大家的意見，各位朋友如果想發表意見或有任何建議，可以電郵致：best@bestrecovering.com 或郵寄致沙田小瀝源安心街19號貿中心820室，我們會為大家轉交當局。

（本欄歡迎專業人士或有興趣者來函討論。）

(註: 如欲參閱有關圖片，請click 入「佳保通訊」→「下載PDF file」。)