相信不少車主都習慣每朝車出門口前，睇下電視播放之道路交通情況，然後再決定行邊條路線以免遇上大塞車。但原來上網亦可以睇到同樣的交通情況，而且你仲可以自由選擇睇邊一區邊一條公路添！

今期為大家介紹運輸署「道路交通資訊服務」網頁，入到以上網址可以選擇「交通實況」、「封路消息」、「來往機場」…等。「交通實況」提供香港、九龍、新界等主要道路即時交通情況，其中「交通情況快怕」每2分鐘就會自動更新全港1至9號幹線之道路畫面，有冇塞車就一目了然啦！另外「交通情況網上直播」透過運輸署之道路交通監控閉路電視系統提供全港主要公路之視象，每組視象由5個閉路電視攝錄器組成，每個攝錄器均會輪流播送6秒視象，以屯門公路為例，5個閉路電視攝錄器分別裝置於荃灣入口、油柑頭、汀九、深井交處及屯門入口，影象唔單只清晰，風景仲好靚，下次當你駛經有關道路時，仲可以約定朋友請佢上網睇下你在公路上飛馳之英姿添！

另外，其他實用資料包括公共服務最新消息、禁止上落客貨區、臨時車速限制、臨時封路、禁區安排或可來往香港新機場之公共交通工具等都可以在「封路消息」及「來往機場」中找到！

www.igsd.gov.hk/td/